前言：
經常很多人在這裏發問減肥的問題，故設立教學等大家可以看了再問。
歡迎各位師兄/師姐增加內容，或者對內容作出修改
跑前準備：
１. 嚴重超重人仕不適合用跑步來減肥，因為跑步本身對於膝關節會有較大負擔，可以選用游水，踩單車等運動。
２. 建議先買好的跑鞋，好的跑鞋能提供良好避震，能減低膝關節的負擔。
3. 預定跑步路線，應該盡量避免在人多車多的地方跑步，
如果居住附近有康文署運動場，可於開放時間入內跑步：
http://www.discuss.com.hk/viewthread.php?tid=5242707
４. 跑前／跑後記得拉筋，
拉筋可以防止抽筋，防止受傷。
新手跑步心得：
１. 跑步時切忌快跑１００m, 慢慢行400m，應該以均勻步速跑。
２. 新手可以無需理會跑步距離，最重要是跑步的時間，例如：連續跑１５分鐘唔停。
３. 跑10分鐘左右覺得呼吸極急速，就是證明速度過快，應該減慢速度。
４. 如果體力不繼，可以以行路＋慢跑來完成本身定立的目標時間。
５. 切忌食飽先跑，好易會嘔。
跑步減肥心得：
男： 設定可量化及切實的目標，例如: 一星期跑三次,每次三十分鐘。及將目標慢慢推高 (越跑越長)，切忌用減肥磅數來定目標，因為減肥是難以速成。
女： 除左定目標外，最好將你要減肥的消息告訴朋友或家人，最好叫埋佢地一齊陪你跑，將有助減肥成功。
減肥知識：
其實跑步的目標是增加能量消耗，令吸收能量＜使用的能量，故就算你係跑一分鐘都有幫助。
有助增加減肥效率的知識：
１. 跑前３個鐘內最好唔好食野，因為跑步會先燃燒食物既能量再燃燒本身既能量。
（只是增加效率，就算食左跑都無問題）
２. 跑超過３０分鐘才是開始踏入燃燒脂肪的時間。
（但初學者不用強行跑超過３０分鐘。
因為你跑左２０分鐘後，身體能量不足亦會慢慢燃燒脂肪。
故這亦是增加效率的問題）
３. 跑後最好個半鐘內唔好食野，身體能量不足才會燃燒脂肪。
（但如果太肚餓可以食水果頂肚，但最好都係等到正餐先食。）
４. 唔好飲運動飲品，運動飲品有大量糖粉。
[ 本帖最後由 BVEsun 於 2008-4-1 09:17 PM 編輯 ]
