新德里餐廳係位於重慶大廈裡面嘅其中一間印度菜，因為聽朋友講呢間係最多香港人去食嘅，所以就去試下！
除咗呢幅餐廳內環境嘅相係轉貼外，其他幾幅都係我部手機影嘅。
3樓成層得佢一間嘢食，係分開兩個單位嘅，環境算唔錯，仲有電視睇添！
睇黎佢生意唔錯，連紙巾都印埋餐廳個名！
最吸引我係枱上面嘅畫像，真係好有印度色彩~
呢個係雜菜卷，共有4條；因為太心急，食咗半條先記得影相…有D醬可以點，幾好食又唔太油，不過有D熱氣！
左邊係洋葱烤餅，叫數量1個有4件，圖中剩番1件因為又唔記得影相…
右邊係新德里特式烤雞，D雞肉好滑，個汁幾特別，唔同平時出面食果D咖哩味，點烤餅一流~
兩個人如果唔太大食量叫3樣嘢差唔多，仲有唔記得講開頭佢哋會比D簿片我哋食(一人一片)，都幾香口架！埋單一百頭，OK抵！未試過食印度菜嘅朋友不妨去試試~
| 地址: | 尖沙咀彌敦道38-44號重慶大廈C座3樓3室 |
| 電話: | 2368-1682 |
