今次介紹下砌模型的最基本工具,有呢三樣野起碼可以"素組"啦.
1.剪鉗-$60
如果你用五金舖的剪電線D剪鉗無話唔得,不過剪完D水口非常唔齊且比較用力,用呢把模型剪出來的水口平好多及省力好多!
2.筆刀-$40
用來切水口非常一流,不過此刀非常銳利,唔小心好易批到自己,會好痛架!
做人好手尾,用完插番好個膠蓋保護把刀.
通常一把刀跟30塊刀片,如果無唔見的話,應該可以用十年八載都無問題.
3.模型膠水-$10
依家BXXDAI出D高達模型可以唔用膠水,但有機會砌下其他公司D模型的話就有用啦.另外膠水除左來黎接合用外,也可以用黎消夾口用,用法是部件接合兩邊都抺上膠水,合埋之後會有多左D膠水"必"左出來,等膠水完全乾左之後,用水磨砂紙來磨下去,到時條夾口會唔見左啦.
4.水磨砂紙-$20
一般分木工用和金屬用的(角位有寫),號碼為400,800,1000,1200,1500,2000(聽聞還有30000號,不過我自己未用過).號碼越大則越幼細,如果只係用來打磨水口的話可以買五金店那種金工用的水磨,大概$1~$3一張約A4 SIZE,但係閣下用來拋光的的話就要用模型用個隻水磨砂紙,唔係到時磨穿哂水貼就真係慘劇!
[
本帖最後由 vanhelsing 於 2006-7-28 10:58 PM 編輯 ]
