浪~ 2008-6-9 09:40 PM
河之源客家菜館
今日朋友介紹去左食客家菜，
兩丁友食，叫左少少菜， 好有水準，
呢個水準唔係調味既問題， 而係一個字，鮮∼∼∼
叫左三個好平凡既菜，佢地招牌菜，燉雞，上湯宴菜同埋一個最普通既客家釀豆腐
雞重兩斤零， 好細隻，百分百走地雞，骨頭超硬，調味夠，燉雞唔係嫩的，不然無左陣肉同汁既甜味，雞皮香，加上當歸和紅棗，鮮甜有肉香，兩個人食一隻， 一Ｄ 都唔過份！
上湯宴菜好普通，菜非常嫩，湯清，唔敢講無味精， 但一定好小，鮮味
客家釀豆腐，一Ｄ 都唔平凡，老闆娘話特地請人自己做，的確豆腐外香內軟，必要慢慢品嚐，豆味濃郁清香，而且幼滑， 一Ｄ 都唔苦！
呢間野細細， 但不失人流，價錢亦便宜，地地道道客家菜， 深圳都比較少，食材新鮮，調味清淡，如不愛鮮味或已經受香港現今食物薰陶的朋友可能會令你失望！！
地址：深圳巿東門南路向西文錦渡商業大厦地下（瑪雅城直行春風成方向見油站前向左轉就是）